១០/២០២២
កំពង់ឆ្នាំងៈនៅព្រឹកថ្ងៃទី ១ខែតុលា ឆ្នាំ២០២២ ឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការសាខាកាកបាទ
ក្រហមកម្ពុជាខេត្តកំពង់ឆ្នាំងនិងលោកជំទាវ . លោកជំទាវ កែ ចាន់មុន្នី អ្នកតំណាងរាស្ត្រមណ្ឌលកំពង់ឆ្នាំង រួមដំណើរដោយឯកឧត្តម លោកជំទាវ លោក លោកស្រីសមាជិក សមាជិកា គណៈកម្មាធិការសាខា អាជ្ញាធរ ដែនដី បានអញ្ជីញចុះសាកសួរសុខទុក្ខ និង នាំយកអំណោយមនុស្សធម៌របស់សាខាកាកបាទក្រហមកម្ពុជាខេត្តកំពង់ឆ្នាំងជូនប្រជាពលរដ្ឋរងគ្រោះដោយជំនន់ចំនួន១៦៣ គ្រួសារ មកពីឃុំចំនួន២ ទី១ឃុំផ្លូវទូក ទី២ឃុំ សំរោងសែន ក្នុងស្រុកកំពង់លែង ខេត្តកំពង់ឆ្នាំង។
មានប្រសាសន៍នាឱកាសនោះ ឯកឧត្តម ស៊ុន សុវណ្ណារិទ្ធិ
បានពាំនាំនូវការផ្ដាំផ្ញើរសាកសួរសុខទុក្ខ និង ការយកចិត្តទុកដាក់ពីសំណាក់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និង សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា សម្ដេចទាំងទ្វេតែងគិតគូរពីសុខទុក្ខប្រជាលពលរដ្ឋគ្រប់រូប ដោយមិនប្រកាន់ ពូជសាសន៍ និង និន្នាការនយោបាយឡើយ ពោល គឺ
ទីណាមានប្រជាពលរដ្ឋជួបទុក្ខលំបាក ទីនោះមានកាក
បាទក្រហមកម្ពុជា។
ឯកឧត្តម ស៊ុន សុវណ្ណារិទ្ធិ បានមានប្រសាសន៍បន្តថាៈអំណោយមនុស្សធម៌ដែលនាំមកជូននាពេលគឺអាចជួយសម្រាលទុក្ខលំបាលរបស់ បងប្អូន បានមួយរយៈ ហើយនេះ
ក៏ជាការបង្ហាញពីការយកចិត្តទុក្ខដាក់របស់រាជរដ្ឋាភិបាល
និងកាកបាទក្រហមកម្ពុជា ដែលជានិច្ចកាលតែងតែនៅជាមួយ បងប្អូនប្រជាពលរដ្ឋយើងជានិច្ចទោះស្ថិតក្នុងកាលៈទេសៈណាក៏ដោយ។
ឯកឧត្តម ស៊ុន សុវណ្ណារិទ្ធិ បាន ផ្តាំផ្ញើ ដល់បងប្អូន ប្រជា
ពលរដ្ឋ ទាំងអស់ធ្វើអនាម័យអោយបានល្អ រស់នៅស្អាតហូបស្អាត ផឹកស្អាត និងខិតខំប្រឹងប្រែង ប្រកបមុខរបរបង្ករបង្កើន
ផលដាំ ដំណាំរួមផ្សំ ចិញ្ចឹមសត្វ ពេលទឹកស្រកទៅវិញ
ដើម្បីលើកកំពស់កំរិតជីវភាពគ្រួសារ ឱ្យកាន់ប្រសើរឡើង ។
ជាពិសេសសូមបងប្អូប្រជាពលរដ្ឋទៅចាក់វ៉ាក់សាំងកូវីដ១៩ ឱ្យបានគ្រប់ៗគ្នា ចាប់ពីដូសទី១ ដល់ដូសទី៣ឬដូសជំរុញ ដើម្បីកាត់បន្ថយការឆ្លង និងហានិភ័យនៃការស្លាប់ដោយមេរោគកូវីដ១៩ ។
អំណោយមនុស្សធម៌បានផ្ដល់ជូន១គ្រួសារៗទទួលបាន៖ អង្ករ៣០ គីឡូក្រាម,មី១កេស,ត្រីខ១យួរ ឃីត១កញ្ចប់ និងថវិកា២ម៉ឺនរៀល៕
