១០/០៥/២០២២
ខេត្តកំពង់ឆ្នាំង÷បន្ទាប់ពីមានបទបញ្ជាដ៍តឹងរឹងរបស់សម្ដេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលជុំវិញការ ការពារដីព្រៃលិចទឹកក្នុងតំបន់ ៣ ជុំវិញបឹងទន្លេសាប កាលពីពេលកន្លងមក។
នៅថ្ងៃទី ១០ខែឧសភាឆ្នាំ២០២២នេះបេី
យោងការលើកឡើងរបស់លោក គិត គន្ធា មេបញ្ជាការកងរាជអាវុធហត្ថស្រុកបរិបូណ៌ និង លោក ជាង សុវណ្ណារិទ្ធ អធិការនគរបាលស្រុកបរិបូណ៌ បានបញ្ជាក់ថា កម្លាំងសមត្ថកិច្ចនៃអធិការនគរបាលស្រុកនិងកម្លាំងកងរាជអាវុធហត្ថស្រុក សហការជាមួយជំនាញសង្កាត់រដ្ឋបាលជលផល បានចុះទៅធ្វើការបង្ក្រាប និង ឃាត់ខ្លួនបានមនុស្សប្រុសស្រីចំនួន ១៤នាក់ នៅចំណុចពីរផ្សេងគ្នា។
ទី១÷ឃាត់ខ្លួនបានមនុស្សប្រុសស្រី ៧ នាក់ ក្នុងនោះមានស្រី 2 នាក់និងប្រុស៥នាក់ ដែលធ្វើសកម្មភាពកាប់ព្រៃក្នុងតំបន់ ៣ នៅចំណុចអ្នកតាទាំងក្នុងភូមិឆ្នុកទ្រូឃុំឆ្នុកទ្រូស្រុកបរិបូណ៌។
ទី២÷ឃាត់ខ្លួនមនុស្សប្រុស.ស្រី ៧ នាក់ថែមទៀតក្នុងនោះមាន ស្រី៣នាក់.ប្រុស៤នាក់ នៅចំណុចភូមិត្រពាំងចាន់ឃុំត្រពាំងចាន់ស្រុកបរិបូរណ៌ខេត្តកំពង់ឆ្នាំង។
បន្ទាប់ពីការឃាត់ខ្លួនមនុស្សប្រុសស្រីចំនួន ១៤ នាក់រួចមកនៅម៉ោងប្រមាណជា ៥ ល្ងាចខែឆ្នាំដដែលសមត្ថកិច្ចនិងជំនាញបានកសាងសំណុំរឿងបញ្ជូនជនដែលបានប្រព្រឹត្តទាំង ១៤នាក់មកកាន់ស្នងការដ្ឋាននគរបាលខេត្តកំពង់ឆ្នាំងដើម្បីចាត់ការតាមនីតិវិធីច្បាប់៕
