២៥/១០/២០២៣ ខេត្តកំពង់ឆ្នាំង÷ រាជរដ្ឋាភិបាលកម្ពុជាកំពុងប្រើយន្តការក្នុងការលុបបំបាត់មន្ត្រី ទាំងឡាយណាដែលអនុវត្តផ្ទុយពីរតួនាទី ធ្វើឱ្យប៉ះពាល់ផលប្រយោជន៍ប្រជាពលរដ្ឋនិងសង្គម ដោយយកអភិក្រមទាំង៥មកអនុវត្ត÷
១ ឆ្លុះកញ្ចក់
២ ងូតទឹក
៣ ដុះក្អែល
៤ ព្យាបាល
៥ វះកាត់
ដើម្បីអនុវត្តទៅលើមន្ត្រី ខិលខូច។
– ជាក់ស្ដែងនៅក្នុងខេត្តកំពង់ឆ្នាំង លោក លី សុភា ប្រធានមន្ទីររៀបដែនដី មិនបានយកតួនាទី ដែលរាជរដ្ឋាភិបាល ផ្ដល់ជូនមកបម្រើពលរដ្ឋទេ បែរជា ឃុបឃិតគ្នាជាប្រព័ន្ធ បង្កើត ជារឿង ចាប់ប្រជាជន ក្រីក្រ ដាក់ពន្ធនាគារ ដើម្បី រំលោភយក ដី ២កន្លែង ស្ថិតនៅភូមិស្រាខ្ពស់ ឃុំ ពង្រ ស្រុក រលាប្អៀរទៅវិញ។
-ទង្វើ គ្មានគុណធម៌ របស់លោកប្រធានមន្ទីរដែនដីខេត្តកំពង់ឆ្នាំងត្រូវបានបែកធ្លាយជាសាធារណៈបន្ទាប់ពីប្រជាពលរដ្ឋ១រូបត្រូវបានតុលាការចាប់ឃុំខ្លួនក្នុងពន្ធនាគារតាមអំណាចសាលក្រម ស្ថាពរ របស់តុលាការខេត្តកំពង់ឆ្នាំង។
-សូមបញ្ជាក់ផងដែរថាដើមចមឈានទៅដល់ការចាប់ខ្លួនលោក ចិត សុផលដាក់ពន្ធនាគារបាន ដោយមូលហេតុលោក លី សុភា ប្រធានមន្ទីរដែនដី បានចេញ វិញ្ញាបនបត្រសម្គាល់ម្ចាស់អចលនៈវត្ថុ (មិនប្រក្រតី) ចំនួន២ច្បាប់ ឱ្យទៅភាគី អ្នកស្រី កែ សាមិត្ត ដែលជាគូរទំនាស់លោក ចិត សុផល÷
ទី១ : វិញ្ញាបនប័ត្រសំគាល់ម្ចាស់អចលនៈវត្ថុលេខ : ០៤០៦០៧០៣-០៩៧៧
ទី២:វិញ្ញាបនប័ត្រសម្គាល់ម្ចាស់អចលនៈវត្ថុលេខ : ០៤០៦០៧០៣-១០៥៦
ក្រោយពីអ្នកស្រី កែ សាមិត្ត ទទួលបានវិញ្ញាបនប័ត្រសម្គាល់ម្ចាស់ចលនៈវត្ថុទាំង២ប្លង់ខាងលើនេះរួចហើយ អ្នកស្រីមានដេីមទន់ ប្តឹងលោក ចិត សុផល ទៅតុលាការដោយចោទប្រកាន់ ពីបទ(លួចលក់អចលនៈវត្ថុដែលមិនមែនជារបស់ខ្លួន)តែម្ដង។
-ការប្ដឹងផ្ដល់គ្នាជាបន្តបន្ទាប់អូសបន្លាយរយៈពេល ៥ទៅ៦ ឆ្នាំសារព័ត៌មានក៍បានផ្សាយពីរឿងមិនប្រក្រតីខាងលើ ជាបន្តបន្ទាប់តែលោក លី សុភា ធ្វើមិនដឹង ធ្វើមិនឮ អត់ខ្វល់ ។
-ចំណុចមិនដឹង មិនឮ មិនខ្វល់ ខាងលើនេះ ស បញ្ជាក់ឲ្យឃើញ ពីទង្វើរបស់លោក លី សុភា ប្រធានមន្ទីរដែនដី ពិតជាមានចេតនាឃុបឃិត គ្នា ជាប្រព័ន្ធ ក្នុងការ រៀបចំឯកសារ ភូទកុហក់តុលាការ ដេីម្បីចាប់ខ្លួនលោក ចិត សុផល ដាក់ពន្ធនាគារ រំលោភយកដីទាំង២កន្លែងនោះយ៉ាងពិតប្រាកដ។
-រឿងរ៉ាវខាងលើនេះក្រុមគ្រួសាររងគ្រោះនិង មហាជន ស្នើសុំ ឯកឧត្តម អភិបាលខេត្តកំពង់ឆ្នាំង.ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី.ពិសេស សម្ដេច ធិបតី ហ៊ុន ម៉ាណែត នាយករដ្ឋមន្ត្រី មេត្តាជួយរកយុត្តិធម៌ ជូនគ្រួសារ គាត់ផងពីព្រោះថាចាប់តាំងពីប្ដីរបស់គាត់ត្រូវបានចាប់ខ្លួនទៅ គ្មានជំហរគ្រួសាររកស៊ីចិញ្ចឹមកូនទេ។
ម្យ៉ាងទៀតស្នើសុំ រាជរដ្ឋាភិបាល អនុវត្ត អភិក្រម ទី៥ ចំពោះបុគ្គល លី សុភា ប្រធានមន្ទីរសុរិយោដីខេត្តកំពង់ឆ្នាំងរូបនេះ ដើម្បីកុំឲ្យមន្ត្រីដទៃទៀតយកគំរូតាម៕
ដោយ ÷ សហការី ឬទ្ធិសែន ញ៉ូស
