កំពង់ឆ្នាំង: នៅព្រឹកទី១៣ ខែតុលា ឆ្នាំ២០២២មេះ ឯកឧត្តម ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករង កំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត បានចាត់តាំង លោកវរសេនីយ៍ទោ ស្រី ម៉ាច មេបញ្ជាការរង ដឹកនាំក្រុមការងារថ្នាក់ខេត្ត កងកម្លាំងប្រដាប់អាវុធទាំងបី សហការជាមួយអាជ្ញាធរមូលដ្ឋាន ចុះប្រគល់ថវិកាបេឡាមរណៈសង្គ្រោះ ចំនួន ១២លានរៀល និង លិខិតចូលរួមរំលែកមរណទុក្ខ ជូនដល់គ្រួសារសពអតីតយុទ្ធជនចំនួន ០៣គ្រួសារ ក្នុងនោះនៅស្រុកកំពង់ត្រឡាច ០១គ្រួសារ និងស្រុកសាមគ្គីមានជ័យ ០២គ្រួសារ ក្នុង១គ្រួសារទទួលបានថវិកា៤លានរៀល ។
ស្ថិតក្នុងឱកាសនេះដែរ លោកមេបញ្ជាការរង តំណាង ឯកឧត្តម ប្រធានសមាគមខេត្ត បានពាំនាំប្រសាសន៍ផ្តាំផ្ញើ សួរសុខទុក្ខ និងចូលរួមរំលែកមរណៈទុក្ខជាមួយគ្រួសារសពអតីតយុទ្ធជន ពីសំណាក់ សម្តេចតេជោ នាយករដ្ឋមន្ត្រី ប្រធានសមាគមអតីតយុទ្ធជនកម្ពុជា ឯកឧត្តម នាយឧត្តមសេនីយ៍ គន់ គីម អគ្គលេខាធិការសមាគម និង ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក និងលោកជំទាវ ផងដែរ ។
លោកមេបញ្ជាការរង បានណែនាំដល់គ្រួសារសព ត្រូវមានការប្រុងប្រយ័ត្នឲ្យបានខ្ពស់ចំពោះសុវត្ថិភាពរបស់សមាជិកក្នុងផ្ទះ ជាពិសេសក្មេងតូចៗ មិនត្រូវឲ្យដើរលេងឆ្ងាយពីផ្ទះភ្លេចខ្លួនឡើយ ព្រោះរដូវនេះជារដូវភ្លៀងធ្លាក់ លាយឡំជាមួយផ្គររន្ទះ ខ្យល់កន្ត្រាក់ និងទឹកជំនន់ ដែលអាចធ្វើឲ្យមានគ្រោះថ្នាក់ដល់អាយុជីវិតជាដើម ។
ជាចុងបញ្ចប់ ក្រុមគ្រួសារសពអតីតយុទ្ធជនទាំង៣គ្រួសារ បានថ្លែងអំណរគុណយ៉ាងជ្រាលជ្រៅចំពោះសម្តេចតេជោ នាយករដ្ឋមន្ត្រី ប្រធានសមាគមអតីតយុទ្ធជនកម្ពុជា ឯកឧត្តម អគ្គលេខាធិការសមាគម ឯកឧត្តម មេបញ្ជាការកងទ័ពជើងគោក ឯកឧត្តមប្រធានសមាគមអតីតយុទ្ធជនកម្ពុជាខេត្ត និងក្រុមការងារ ព្រមទាំងអាជ្ញាធរមូលដ្ឋាន ដែលជានិច្ចកាលតែងតែគិតគូរពីសុខទុក្ខប្រជាពលរដ្ឋ ជាពិសេសបងប្អូនអតីតយុទ្ធជន គ្រប់ទីកន្លែង គ្រប់កាលៈទេសៈ និងសូមគោរពជូនពរ សម្តេច ឯកឧត្តម និងក្រុមការងារ សូមប្រកបបានសុខភាពល្អបរិបូណ៌ ជួបប្រទះនូវពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។
កំពង់ឆ្នាំង: នៅព្រឹកទី១៣ ខែតុលា ឆ្នាំ២០២២មេះ ឯកឧត្តម ឧត្តមសេនីយ៍ត្រី អ៊ុំ សុភា មេបញ្ជាការ តំបន់ប្រតិបត្តិការសឹករង កំពង់ឆ្នាំង និងជាប្រធានសមាគមអតីតយុទ្ធជនកម្ពុជាខេត្ត បានចាត់តាំង លោកវរសេនីយ៍ទោ ស្រី ម៉ាច មេបញ្ជាការរង ដឹកនាំក្រុមការងារថ្នាក់ខេត្ត កងកម្លាំងប្រដាប់អាវុធទាំងបី សហការជាមួយអាជ្ញាធរមូលដ្ឋាន ចុះប្រគល់ថវិកាបេឡាមរណៈសង្គ្រោះ ចំនួន ១២លានរៀល និង លិខិតចូលរួមរំលែកមរណទុក្ខ ជូនដល់គ្រួសារសពអតីតយុទ្ធជនចំនួន ០៣គ្រួសារ
ដោយ: សហការី rithysen-news
