កំពង់ឆ្នាំង÷អ្នកស្រី សុីវ ហឹង អាយុ ៥៦ ឆ្នាំរស់នៅភូមិឃ្លាំងប្រាក់ សង្កាត់ ប្អេរ ក្រុងកំពង់ឆ្នាំង ខេត្តកំពង់ឆ្នាំងបានទទូចស្នើសុំប្រធានតុលាការខេត្តកំពង់ឆ្នាំងនិងឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ដើម្បីស្វែងរកយុត្តិធម៌ជូនដល់រូបគាត់ជាស្ត្រីមេម៉ាយផងខណៈដែលមានបុគ្គលមួយគ្រួសារបានខ្លែងឯកសាររំលោភយកដីលំនៅដ្ឋានរបស់គាត់ ដីនោះគាត់ទទួលបានតាមអំណាចសាលដីកា ស្ថាពរពីតុលាការកំពូលក្នុងឆ្នាំ ២០១១។
អ្នកស្រី សុីវហឹង បានបញ្ជាក់ប្រាប់អ្នកសារព័ត៌មានយើងថា ដីដែលបុគ្គលឈ្មោះ កែវ ទូច ខ្លែងឯកសាររំលោភយកនោះមានទីតាំងនៅភូមិ ប្អេរ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។
អ្នកស្រី សុីវ ហឹង បានបន្តទៀតថាដីនោះគឺគាត់បានមកដោយ សាលដីកា ស្ថាពររបស់តុលាការកំពូល លេខ ២៤២/១១ ត ក ក .ស រ វ ចុះថ្ងៃទី ១១ ខែ មេសា ឆ្នាំ២០១១ មានទំហំ ៤២០ ម៉ែត្រការ៉េដោយការលែងលះគ្នាជាមួយនឹងអតីតស្វាមី។
កន្លងមកភាគីអ្នកស្រី កែវ ទូច ដែលមានកូនប្រសាប្រុសឈ្មោះ សៅ ភារៈ ក៏បានចូលរួមវាស់វែង ជាមួយអាជ្ញាធរ មានកំណត់ហេតុវាស់វែងជាក់ស្ដែងនិងព្រមផ្ដិតមេដៃទទួលស្គាល់ ព្រំដី ដើម្បីបញ្ចប់រឿង នៅថ្ងៃទី ២០ ខែកុម្ភៈឆ្នាំ ២០០៩និងមាន លិខិតបញ្ជាក់ការសុំកាន់កាប់ប្រើប្រាស់ដីធ្លីលេខ ០១៩/០៩ ចុះថ្ងៃទី ២៣ខែកុម្ភៈឆ្នាំ ២០០៩ ទទួលស្គាល់ដោយលោកមេភូមិ ប៊ូ ឆោមនិងលោក សិដ្ឋ សុខរិន ចៅសង្កាត់ប្អេរដោយអ្នកស្រី សុីវ ហឹង ព្រមទទួលយកទំហំ បណ្ដោយ ២៩.២៥ម៉ែត្រ គុណ ទទឹង ៩.៤៥ម៉ែត្រ ស្មេីរនឹង ២៧៦.៤១ម៉ែត្រការ៉េតែតែប៉ុណ្ណោះ ចំណែកដីដែលសល់ពីទំហំ ៤២០ ម៉ែត្រការ៉េប្រគល់ទៅឲ្យអ្នកស្រី កែវ ទូចទាំងអស់។
ក្រោយមកក៍បែកធ្លាយឯកសារឈ្មោះ កែវ ទូច បានលួចកែខ្លែងបន្លំ(លេខទំហំដី )វាទទី យកទីតាំងដីលំនៅដ្ឋាននោះទាំងអស់តែម្ដង។
មិនត្រឹមតែប៉ុណ្ណោះអ្នកស្រី កែវ ទូច ថែមទាំងបានយកលិខិតខ្លែងបន្លំទូរលេខនោះ ទៅប្តឹងស្នេីរសុំតុលាការ ចេញរក្សាការពារលេីដីនោះ ហេីយលោកចៅក្រមមួយរូប ក៏បានចេញដីការក្សាការពារជូនអ្នកស្រី កែវ ទូច តាមការស្នើសុំ ដោយមិនបានកោះហៅភាគីម្ខាងទៀតមកសួនាំឡើយ ថែមទាំងចុះទៅអនុវត្ត ដីការរក្សាការពាររួចរាល់ថែមទៀតផង ខណៈដែលភាគីម្ចាស់ដីពិតប្រាកដមិនបានចូលរួម។
ដោយសារការកើតទុក្ខមិនសុខចិត្តជុំវិញការបាត់បង់ផលប្រយោជន៍ដ៍ច្រើនលើដីនោះ អ្នកស្រី សុីវ ហឹង ក៏សម្រេចចិត្តប្ដឹងឈ្មោះ កែវ ទូច នៅថ្ងៃទី ១០ ខែ មិថុនា ឆ្នាំ២០២២ ទៅឯកឧត្តម ព្រះរាជអាជ្ញា អយ្យការអមសាលាដំបូងខេត្តកំពង់ឆ្នាំង ពីបទ(ក្លែងបន្លំឯកសារសាធារណៈ)ក្រោយពីប្ដឹងរួច ឯកឧត្តម អុិតសុធា ព្រះរាជអាជ្ញាខេត្តកំពង់ឆ្នាំង ក៏បានកោះហៅអ្នកស្រី កែវ ទូច មកសួរនាំ ក្រោយពីសួរនាំរួច ឯកឧត្តមព្រះរាជអាជ្ញា បានសម្រេចធ្វើការចោទប្រកាន់អ្នកស្រី កែវ ទូច ពីបទខ្លែងបន្លំឯកសារសាធារណៈនិងប្រើហិង្សាចូលកាន់កាប់អចលនៈវត្ថុដោយសុច្ចរិតដោយដីកាសន្និដ្ឋានលេខ ៤១៨ អ ក /២០២២។
មិនត្រឹមតែប៉ុណ្ណោះអ្នកស្រី សុីវ ហឹង បានពាក្យបណ្ដឹងប្ដឹងតវ៉ា សុំលុបចំពោះដីការក្សាការពារលេខ ៨៧ ចុះថ្ងៃទី ២៦ ខែឧសភាឆ្នាំ ២០២០របស់សាលាដំបូងខេត្តកំពង់ឆ្នាំងត្រង់សេចក្តីសម្រេចទាំងមូល។
នៅក្នុងពាក្យបណ្តឹងតវ៉ាចំពោះការសម្រេចនោះមានខ្លឹមសារដូចតទៅ÷
នាងខ្ញុំឈ្មោះ សុីវ ហឹង អាយុ ៥៦ឆ្នាំជនជាតិខ្មែរ និងនាងខ្ញុំឈ្មោះ គិន សេងហៀង អាយុ ៣៨ ឆ្នាំជនជាតិខ្មែរមានទីលំនៅបច្ចុប្បន្នភូមិ
ឃ្លាំងប្រាក់ សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។
សូមគោរពចូលមក ឯកឧត្តមប្រធានសាលាដំបូងខេត្តកំពង់ឆ្នាំង
កម្មវត្ថុ÷សុំប្ដឹងតវ៉ាចំពោះដីកាសម្រេចរក្សាការពារលេខ ៨៧ ចុះថ្ងៃទី ២៦ ខែ ឧសភា ឆ្នាំ ២០២០ របស់សាលាដំបូងខេត្តកំពង់ឆ្នាំងត្រង់សេចក្តីសម្រេចទាំងមូល។យោងសំណុំរឿងរក្សាការពារលេខ ៤២ចុះថ្ងៃទី២១ ខែមេសាឆ្នាំ ២០២០ របស់សាលាដំបូងខេត្តកំពង់ឆ្នាំង។
តបតាមកម្មវត្ថុនិងយោងខាងលើនាងខ្ញុំសូមជម្រាបជូន ឯកឧត្តមប្រធាន មេត្តាជ្រាបថា តុលាការ បានសម្រេចតាមរយៈនៃការសម្រេចរក្សាការពារលេខ ៨៧ ចុះថ្ងៃទី ២៦ខែឧសភាឆ្នាំ ២០២០ដែលចេញដោយលោកចៅក្រម សុខ ឧត្តម និងក្រឡាបញ្ជី ឈ្មោះ ហេង សាម៉ន បានហាមឃាត់នាងខ្ញុំនិងកូនឈ្មោះ គិន សេងហៀង មិនឲ្យធ្វើការលក់ដូរ.សាងសង់សំណង់.ធ្វេីរបង. ជួលបញ្ចាំ.ធ្វើការផ្ទេរសិទ្ធិ ឬធ្វើអំណោយទាន នៅដី ទំហំ ៩.៤៥ ម៉ែត្រ គុណនឹង ២៩.២៥ ម៉ែត្រដែលមានទីតាំងស្ថិតនៅភូមិ ប្អេរ សង្កាត់ ប្អេរ ក្រុងកំពង់ឆ្នាំង ខេត្តកំពង់ឆ្នាំង។
ចំពោះដី ដែលតុលាការសម្រេចហាមឃាត់នោះគឺទ្រព្យសម្បត្តិរបស់នាងខ្ញុំដែលបានលែងលះគ្នាជាមួយអតីតស្វាមី ហើយតុលាការកំពូលបានបែងចែកតាម សាលដីកា លេខ ១៨ ដ ស ចុះថ្ងៃទី ០៤ខែមេសាឆ្នាំ ២០១១ និងមានលិខិតបញ្ជាក់ការចូលជាស្ថាពរនៃការសម្រេចលេខ ២៤២/១១ ត ក ក .ស រ វ ចុះថ្ងៃទី ១១ ខែមេសាឆ្នាំ ២០១១ បានប្រគល់ ឱ្យទៅអ្នកស្រី សុីវ ហឹង ទំហំ៤២០ម៉ែត្រការ៉េ។
ហេតុអ្វីទើបលោកចៅក្រមរូបនោះហ៊ានចេញដីការក្សាការពារជូនទៅអ្នកស្រី កែវទូច ទាំងបំពានបែបនេះ។
ដោយសហការី rithysen-news
