ដឹងច្បាស់ហើយបុគ្គលដែលលួចយកដីចំណតរថយន្តលក់គឺជាមន្រ្តី ម្នាក់ធ្វេីការនៅក្រុមប្រឹក្សាខេត្តកំពង់ឆ្នាំង!!!

២៤/០៤/២០២២
ខេត្តកំពង់ឆ្នាំង÷បន្ទាប់ពីមានការចុះផ្សាយរឿង បាត់បង់ដីចំណតរថយន្តស្ថិតនៅភូមិទី7 សង្កាត់ខ្សាមក្រុងកំពង់ឆ្នាំងខេត្តកំពង់ឆ្នាំងរួចមកជនរងគ្រោះដែលបានចំណាយលុយ 16 ម៉ឺនដុល្លារទិញដីនោះបានបញ្ជាក់ប្រាប់អ្នកសារព័ត៌មានថាថា÷
ដីនោះពួកគាត់បានទិញពីឈ្មោះលោក កែវ ពិសី តួនាទីជាក្រុមប្រឹក្សាខេត្តកំពង់ឆ្នាំង នឹងត្រូវជាដន្លងជាមួយលោកឈួរ ច័ន្ទឌឿន អតីតចាហ្វាយខេត្តកំពង់ឆ្នាំងដែលល្បីល្បាញជា
សកលក្នុងការបុិនប្រសព្វ រកគន្លឹះក្នុងការកេងប្រវ័ញ្ចរំលោភបំពានយកដីរបស់រដ្ឋមកធ្វើជាកម្មសិទ្ធិរបស់ខ្លួន។

បើព័ត៌មានច្បាស់ការណ៍យ៉ាងនេះទៅហើយ
– ឯកឧត្តម ស៊ុន សុវណ្ណារិទ្ធិ ប្រធានគណៈបញ្ជាការឯកភាពខេត្តកំពង់ឆ្នាំង
-អង្គភាពប្រឆាំងអំពើពុករលួយ (ACU)
មិនពិបាកក្នុងការចំណាយពេលច្រើនក្នុងការស្រាវជ្រាវទេ។

មន្ត្រីរាជការ.កងកម្លាំងប្រដាប់អាវុធ និងប្រជាពលរដ្ឋ ស្នើសុំបន្ថែមទៀតចំពោះ ឯកឧត្តម ស៊ុន សុវណ្ណារិទ្ធិ អភិបាលនៃគណៈអភិបាលខេត្តនិងជាប្រធានគណៈបញ្ជាការឯកភាពខេត្តកំពង់ឆ្នាំង និង អង្គភាពប្រឆាំងអំពើពុករលួយ (ACU)មេត្តា ចាត់វិធាន ទៅលើបុគ្គល រូបនោះ ជាបន្ទាន់ ពីព្រោះថាខ្លួនមានងារជាក្រុមប្រឹក្សាខេត្ត ហើយអតីតក៍ជាស្នងការនគរបាលខេត្តកំពង់ស្ពឺ ផងដែរចំណេះដឹងមានគ្រប់គ្រាន់ ហើយមិនមែនប្រជាពលរដ្ឋល្ងិតល្ងង់នោះទេ។

ករណីការបាត់បង់ផ្ទៃដីទុកធ្វេីចំណតរថយន្ត ជិតកំពង់ផែមាត់ទន្លេផ្សារក្រោមចំនួន ៨០០ ម៉ែត្រការ៉េ បើលក់ក្នុងពេលបច្ចុប្បន្នគិតជាទឹកប្រាក់មិនក្រោម២០ ម៉ឺនដុល្លារសហរដ្ឋអាមេរិកទេ។

ជនរងគ្រោះជាអ្នកទិញបានបញ្ជាក់ប្រាប់សារព័ត៌មានយើងទៀតថា
ការទិញលក់ដីនៅចំណុចនោះមិនមានប័ណ្ណកម្មសិទ្ធិទេមានតែលិខិតទិញលក់ត្រឹមអាជ្ញាធរភូមិនិងសង្កាត់តែប៉ុណ្ណោះហេីយពួកគាត់ក៏មិនបានដឹងថាដីនោះជាដីចំណតរថយន្តដែរ។

ទីតាំងដី ចំណតរថយន្ត នេះស្ថិតនៅក្នុងភូមិទី៧ សង្កាត់ ខ្សាម ក្រុង កំពង់ឆ្នាំង ខេត្ត កំពង់ឆ្នាំង ដែលមានទំហំសរុបចំនួន ២០០០ ម៉ែត្រការ៉េ ដីនេះគឺក្រុមហ៊ុន ចុងលៀង ជាអ្នកផ្ដល់ជូនមកអាជ្ញាធរខេត្តកំពង់ឆ្នាំងក្នុងរជ្ជកាលលោកឈួរ ច័ន្ទឌឿន ធ្វើជាចៅហ្វាយខេត្ត ដើម្បីរៀបចំធ្វើចំណត់រថយន្តកំពង់ផែមាត់ទន្លេផ្សារក្រោម តាមការស្នើសុំដែលមានផ្ទៃដីសរុបចំនួន២០០០ម៉ែត្រការ៉េចុះមូលហេតុអ្វីលោក កែវ ពិសី លក់ បែជាលោក ឈួរច័ន្ទឌឿន មិនដឹងទៅវិញ…?។

ក្រោយពីក្រុមហ៊ុន ចុង លៀង បានប្រគល់ទីតាំងដីនោះ ជូនមកអាជ្ញាធរខេត្តកំពង់ឆ្នាំងរួចហើយ អាជ្ញាធរខេត្តក៏បានប្រជុំធ្វើកំណត់ហេតុត្រឹមត្រូវដែលមានមន្ទីរសាធារណការនិងដឹកជញ្ជូន/មន្ទីររៀបចំដែនដីនគរូបនីយកម្មនិងសំណង់ /មន្ទីរបរិស្ថានខេត្តកំពង់ឆ្នាំង ព្រមទាំងសមត្ថកិច្ចនិងអាជ្ញាធរដែលពាក់ព័ន្ធគ្រប់ជាន់ថ្នាក់ធ្វើកំណត់ហេតុដឹងឰថែមទៀតផង។

លុះរហូតមកដល់ពេលបច្ចុប្បន្នទីតាំងដីចំណតរថយន្តខាងលើនេះត្រូវបាន រួមសល់ត្រឹមតែ ១២០០ម៉ែត្រការ៉េតែប៉ុណ្ណោះ។

បើតាមប្រភពពីជនរងគ្រោះបានបង្ហើបឲ្យដឹងទៀតថាទីតាំងដីចំណត់រថយន្តនេះ គាត់បានទិញ ពីលោក កែវ ពិសី ជាក្រុមប្រឹក្សាខេត្តកំពង់ឆ្នាំងនិងឈ្មោះ ស៊ុីម ត្រូវជាប្អូនថ្លៃលោក កែវពិសី៕

(ទ្រព្យសម្បត្តិជាតិ.ពួកមនុស្សចោលម្សៀត ប្រឹងកេងប្រវ័ញ្ចយក)